Конституцияга риоя ва холис давлат хизматини мустаҳкамлаш

2025-12-05

Бошқарув самарадорлиги агентлиги Тошкент вилояти филиали ҳамда Нурафшон туманлараро Маъмурий суд органи ҳамкорлигида Камбағалликни қисқартириш ва бандлик бош бошқармаси ходимлари учун навбатдаги маърифий-тарғибот, шунингдек, "Очиқ эшиклар куни" тадбирлари ўтказилди. Учрашув давомида мамлакатимиз Конституцияси инсон ҳуқуқ ва эркинликларини таъминлашдаги ўрни, ҳар бир фуқаро учун тенг имкониятлар яратиш, адолатли ва шаффоф хизмат кўрсатишнинг долзарб аҳамияти атрофлича ёритилди. Иштирокчиларга холис давлат хизматини шакллантириш, коррупцияга қарши муросасиз курашиш ҳар бир давлат хизматчисининг бевосита мажбурияти экани алоҳида таъкидланди.